दाङ, १ माघ । दाङको तुलसीपुर–घोराही सडकखण्डको ग्वार खोलामा माइक्रोबस दुर्घटना हुँदा एक जनाको मृत्यु भएको छ ।
दुर्घटनामा तुलसीपुर उपमहानगरपालिका–३, श्रीखोलाका ज्ञानबहादुर गिरीको मृत्यु भएको इलाका प्रहरी कार्यालय तुलसीपुरले जनाएको छ । दुर्घटनामा नौ जना घाइते भएका छन् ।
घोराहीबाट तुलसीपुर जाँदै गरेको बा. ३ ख ९५२१ नम्बरको माइक्रोबस तीव्रगतिका कारण दुर्घटनामा परेको प्रहरीले जनाएको छ । एकजना गम्भीर घाइतेलाई थप उपचारका लागि नेपालगन्ज रेफर गरिएको छ भने अन्य घाइतेको तलुसीपुरस्थित राप्ती अञ्चल अस्पतालमा उपचार भइरहेको छ ।
