काठमाडौं, १४ साउन । केही दिन यता आएको निरन्तर वर्षाको कारण बाढी–पहिरो जाँदा ३ वटा राष्ट्रिय राजमार्ग अबरुद्ध भएको छ । सडक विभागको अनुसार ५ ठाउँमा अवरूद्ध भएको हो । २० स्थानमा सडक एकतर्फी बनाइएको हो ।
विभागको अनुसार तमोर करीडोर अन्तर्गत चतरा–मुलघाट–माझीटार–अमरापुरडाँडा–गणेशचोक जोड्ने सडक पाँचथरको हेवाखोलामा अवरूद्ध छ ।
कालिगण्डकी कोरिडोरअन्तर्गत बेनी–जोमसोम–कोरला सडक योजनाको जोमसोम तानसेन–रिडी–कोरला खण्डको म्याग्दीका दुई स्थानमा अवरूद्ध छन्।
त्यस्तै,डुम्रे–बेशीशहर–चामे जोड्ने राजमार्ग लम्जुङ र मनाङमा अवरूद्ध भएको छ छ ।
