काठमाडौं, २८ वैशाख । धादिङ्गको गल्छीमा धारिलो हतियार प्रहारबाट एक युवकको मृत्यु भएको छ । चक्कु प्रहारबाट गल्छी गाउँपालिका–८ का विनोद थापाको मृत्यु भएको हो ।
होटलमा सामान्य विवाद हुँदा थापा गम्भिर घाइते भएका थिए उनको उपचारको क्रममा ज्यान गएको प्रहरीले जनाएको छ ।
घटना बुधबार रातिको हो । ग्राहकको रुपमा होटलमा आएका विनोद र सञ्चालकबीच सामान्य विवाद भएपछि घटना भएको हो । प्रहरीले छानबिनका लागि सञ्चालक सरस्वती पण्डित र उनका छोरा निरजलाई पक्राउ गरेको छ ।
