बारा । बारा २ मा मतगणना सुरु भएको छ । गंगापुरस्थित शिक्षा विकास तथा समन्वय एकाइको मतदान केन्द्रबाट मतगणना सुरु भएको निर्वाचन अधिकृतको कार्यालयले जनाएको छ ।
सर्वदलीय बैठकमा ११ बजेदेखि मतगणना सुरु हुने भनिएपनि ढिलागरि सुरु भएको हो । बारामा आइतबार राति सर्वदलीय बैठक बस्ने भनिए पनि हावा–हुरी र वर्षाका कारण रोकिएको थियो ।
यस क्षेत्रमा जसपाबाट उपेन्द्र यादव, जनमत पार्टीबाट शिवचन्द्र प्रसाद कुशवाहा, एमालेबाट पुरुषोत्तम अधिकारी, राष्ट्रिय स्वतन्त्र पार्टीबाट रमेश खरेल र सहित ३४ उम्मेदवार चुनावी मैदानमा छन् । यस क्षेत्रमा यादव र कुशवाहाबीच प्रतिष्पर्धा हुने प्रक्षपण गरिएको छ ।
