भक्तपुर । भक्तपुरको सानो ठिमीमा १२० वर्ष पुरानो खली खुवाउने परम्पराको स्थानीय युवाले निरन्तरता दिइरहेका छन् ।
चैत्र २० गते बिहान महाराजी खड्का कुलको वायु तथा खली पुजा सम्पन्न गरिएको हो ।
खली खुवाउने कार्यमा युवाहरुको सहभागिता रहेको थियो । परम्परा अनुसार एक सय आठ भारती दाउरालाई बिधी अनुसार जलाई निर्माण गरिएको भुँग्रोमा नाच्ने चलन छ ।
जस अनुसार १३ जना डांग्रेले खलिमा सहभागिता जनाएका थिए । जनश्र्रुती अनुसार एक सय विस वर्ष पहिला वायुले सताएपछि स्थानीयले यस्तै खली बनाएर पन्छाएका थिए ।
यसरी वायुलाई खुसी पारेपछि घर, परिवार र समाजमा बाधा व्यवधान नआउने जनविश्वास छ ।
