१७ चैत्र, काठमाडौं । नयाँ शक्ति नेपालका संयोजक डाक्टर बाबुराम भट्टराईले दलीय चुनाव चिन्ह नपाए चुनाव हुन नदिने चेतावनी दिनुभएको छ ।
बिहीबार राजधानीमा आयोजित पत्रकार सम्मेलनमा बोल्दै डाक्टर भट्टराईले संसदमा भएका दलहरुलाई मात्र दलिय चुनाव चिन्हका आधारमा चुनावमा भाग लिन नदिने निर्णय कुनै हालतमा मान्य नहुने बताउनुभएको छ ।
डाक्टर भट्राईले चुनावको वातावरण बनाउन अघि सारेको सात बुँदे माग पुरा गराउन आजैबाट जनदवाब दिने बताउनुभयो । उहाँले चुनाव चिन्ह विना कुनैपनि हालमा चुनाव हुन नदिने चेतावनी दिनुभयो ।
संयोजक भट्टराईकै संयोजकत्वमा निर्वाचन परिचालन समिति र केशव दाहालको संयोजकत्वमा ७ सदस्य घोषणपत्र मस्यौदा समिति गठन गरिएको नयाँ शक्ति पार्टीले जानकारी गराएको छ ।