भक्तपुर, १३ पुस । एमालेका केन्द्रीय सचिव प्रदीप ज्ञवालीले आगामी माघ पहिलो साताभित्रै एमाले अध्यक्ष केपी शर्मा ओलीको नेतृत्वमा नयाँ सरकार गठन हुने दाबी गरेका छन् । रफत सञ्चार क्लबले आज आयोजना गरेको साक्षात्कार कार्यक्रममा बोल्दै उनले यस्तो बताएका हुन् ।
सरकार गठन भए लगत्तै एमाले र माओवादीबीच पार्टी एकीकरण हुने उनले बताए । पार्टी एकीकरणका लागि बृहत् छलफल र बहस भइरहेका उनको भनाई थियो । सचिव ज्ञवालीले पार्टी एकीकरणमा कुनै शंका नगर्न आग्रह गरे ।
देउवा नेतृत्वको सरकार कामचलाउ भएकाले यस सरकारले गरेका कुनै पनि निर्णय नयाँ सरकारलाई मान्य नहुने उनले जिकिर गरे ।
