काठमाडौं । देशभर आज प्रतिनिधि सभा निर्वाचन शान्तिपूर्ण रूपमा सम्पन्न भएको छ। बिहान ७ बजेदेखि सुरु भएको मतदान साँझ ५ बजेसम्म देशभरका मतदान केन्द्रमा उत्साहजनक रूपमा सम्पन्न भएको निर्वाचन आयोगले जनाएको छ।
निर्वाचनमा मतदाताहरूको उल्लेख्य सहभागिता देखिएको थियो। ग्रामीण तथा शहरी दुवै क्षेत्रमा मतदाताहरू बिहानैदेखि मतदान केन्द्रमा लामबद्ध भई मतदान गरेका थिए। कतिपय स्थानमा सामान्य प्राविधिक समस्या देखिए पनि समग्रमा मतदान प्रक्रिया व्यवस्थित र शान्तिपूर्ण रहेको आयोगले जनाएको छ।
सुरक्षा व्यवस्थालाई कडा बनाइएकाले कुनै ठूला अप्रिय घटना नभई निर्वाचन सम्पन्न भएको गृह मन्त्रालयले जनाएको छ। नेपाल प्रहरी, सशस्त्र प्रहरी बल तथा नेपाली सेनाको समन्वयमा देशभर कडा सुरक्षा व्यवस्था गरिएको थियो।
प्रधानमन्त्री सुशीला कार्की निर्वाचन सम्पन्न गराउन सफल हुनुभएकाे छ ।
निर्वाचन आयोगले दिएकाे जानकारी अनुसार मतपेटिका संकलनकाे कार्य शुरू भएकाे छ । आयोगले निर्वाचन सम्पन्न भएकाे २४ घण्टाभित्र नतिजा सार्वजनिक गर्न शुरू गरिने जनाएकाे छ ।
