काठमाडौं, २२ माघ । काठमाडौंको पुरानो बानेश्वरमा रामेछापका एक पुरुष र उनकी छोरीको शव भेटिएको छ । टंकप्रसाद मार्गमा डेरा गरी बस्ने किशोर भण्डारीले शारिरीक रुपमा अशक्त छोरीको हत्या गरी आफूले आत्महत्या गरेको प्रहरीले प्रारम्भिक अनुमान गरेको छ । छोरी अशक्त भएकै कारण उनी सधै विचलित हुँदै आएको परिवारिक स्रोतले जनाएको छ ।
उनले सात वर्षीया छोरीको छुरा प्रहार गरी हत्या गरेको अनुसन्धानबाट खुलेको छ । शनिबार बिहानै उनले श्रीमती र छोरालाई आफन्तको घर पठाएका थिए । श्रीमती बेलुका घर फर्किदा कोठा भित्रबाट लगाइएको थियो । उनले ढकढक गर्दापनि ढोका नखुलेपछि छिमिकीको सहयोगमा खोलेर हेर्दा भित्र ह्यदविदारक अवस्था देखिएको थियो ।
भण्डारी गोंगबुमा फार्मेसी सञ्चालन गर्दै आएका थिए । घटनास्थलबाट प्रहरीले सुसाइड नोटसमेत फेला पारेको छ । सुसाइड नोटमा छोरीलाई केही गर्न नसकेको , ऋणलगायतको घरायसी व्यवहारका विषय उल्लेख गरेको प्रहरीले जनाएको छ ।
