काठमाडौं, १६ माघ । प्रहरी हिरासतबाट ६ जना अभियुक्त फरार भएका छन् । धनुषाको इलाका प्रहरी कार्यालय सखुवा महेन्द्रनगरको हिरासतबाट पछाडीको भाग तोडेर अभियुक्तहरु राति फरार भएको बुझिएको छ ।
फरार हुनेहरुमा हातहतियार र लागुऔषध मुद्दामा पक्राउ परेका थिए । उनीहरुको खोजी भइरहेको प्रहरीले जनाएको छ । हिरासतमा रहेका सात जना मध्ये ६जना भागेका हुन् ।
थुनुवा कक्षको पर्खाल भत्काएर ६ अभियुक्त फरार भएको प्रहरीले जनाएको छ ।
प्रहरीको अनुसार विनोद शर्मा, अमित मण्डल र रोषण यादव, हरिविक सिंह, रोषण महतो र शंकर सिंह फरार भएका छन् ।
