जनकपुरधाम, १८ माघ । धनुषाको इलाका प्रहरी कार्यालय सखुवा महेन्द्रनगरको हिरासतबाट भागेका ६ मध्ये तीन थुनुवा पक्राउ परिसकेका छन् । मिथिला नगरपालिका २ का हरिदिप सिंह, अमित मण्डल र मिथिला नगरपालिका ६ का रोशनकुमार महतो पक्राउ परेका प्रहरीले जनाएको छ ।
हरिदिपलाई मंगलबार र अमितलाई मंगलबार दिउँसो पक्राउ गरेको धनुषा प्रहरीले जनाएको छ । हातहतियार खरखजाना मुद्दाका रोशन सोमबार साँझ नै पक्राउ परेका थिए । गत आइतबार राति इलाका प्रहरी कार्याललयको हिरासतको भित्ता फोडेर विभिन्न मुद्दाका ६ जना फरार भएका थिए ।
तीन जना पक्राउ परेको र बाँकी तीन जनाको खोजी कार्य जारी रहेको जिल्ला प्रहरी कार्यालय धनुषाले जनाएको छ ।