काठमाडौं, १५ माघ । नेपाली युवा सुज्ञान थापाले ५८ देश संग पाक कलामा प्रतिस्पर्धा गर्दै छन् । यस पटक नेपालको प्रतिनिधित्व गर्दै ’एकेडेमी अफ क्युलिनरी आर्टस् एण्ड हस्पिटालिटी म्यानेजमेन्ट् तथा सेन्टर फर लिडरसीप एण्ड इन्टरप्रेनरसिप’ कलेजका छात्र थापाले प्रतिस्पर्धा गर्ने भएका हुन् । मेन्टको भूमिकामा सेफ सूर्य महतनै प्रस्तुत हुनेभएका छन् ।
१८–२४ उमेर समुहका होटल व्यवस्थापनका बिधार्थीले भाग लिन सक्ने उक्त प्रतिस्पर्धाका लागी गत अक्टोबर महिनामा रजिस्ट्रेसन खुल्ला गरिएको थियो । माघ १५ गतेदेखी २१ गतेसम्म इन्टरनेशनल हस्पिटालिटी काउन्सिल लन्डनको सक्रियतामा इन्टरनेशनल इनस्टिट्युट अफ होटल म्यानेजमेन्ट (आईआईएचएम) इन्डिया द्वारा आयोजित ’योङ सेफ ओलिम्पियाड’ सञ्चालन हुँदैछ । सन् २०१५ बाट सुरु गरिएको यस कार्यक्रममा उक्त कलेजले शुरूदेखि नै नेपालको प्रतिनिधित्व गर्दै आएको छ ।
अघिल्लो सिजनमा ईटलीले जितेको उक्त प्रतिस्पर्धामा फ्रान्स स्विजरल्याण्ड, मेक्सिको, क्यानडा, बेलाएत, स्पेन, सिङापुर तथा भारत लगाएत संसारभरिका ५८ वटा राष्ट्र सहभागी हुनेछन्। धेरै प्रतिस्पर्धी भएका हुनाले यो दिल्ली, बंगलौर, पुने, गोवा तथा हाइदरवादमा आयोजना गर्ने तयारी गरिएको छ । सन् २०२० मा नेपालको क्युलिनरी आर्टस् एन्ड हस्पिटालिटी म्यानेजमेन्टका छात्रा शबी राजबाहकले बेस्ट हाइजेनिक अवार्ड र राइजिङ स्टार अवार्ड हात पार्न सफल भइन् भने सन् २०२१ मा यस कलेजका छात्र अभया लिम्बुले ६० रास्ट्रहरु मध्ये १० औं स्थान हासिल गर्दै बेष्ट किचन कट्स अवार्ड हासिल गरे । सन २०२२ मा यस कलेजका छात्र अजय पुनले बेष्ट हाइजिइन प्राक्टिक्स पुरस्कार प्राप्त गर्न सफल भएका थिए भने यसै कलेजका प्रशिक्षक सुर्य महतले सबै भन्दा राम्रो मेन्टर को उपाधी पाएका थिए ।
प्रतिस्पर्धी राष्ट्रहरुलाई ६ वटा समूहमा विभाजित गरिएको छ। उक्त बिभाजन अनुसार नेपाल प्रथम समूहमा पर्दछ । उक्त प्रतिस्पर्धाले संयुक्त राष्ट्र संघको दिगो विकास लक्ष्य’ लाई प्रचार र प्रवर्धन गर्ने अपेक्षा गरिएको छ । कार्यक्रमको उद्घाटन २९ जनवरीमा हुनेछ भने नेपालले ३० जनवरीमा प्रतिष्पर्धा गर्नेछ । बिजेताहरु मध्य प्रथम, द्वितीय र तृतियले क्रमशः स्वर्ण, रजत र कांस्य पदकका साथै ५,००० ३,००० २२,००० अमेरिकी डलर नगद पनि प्राप्त गर्नेछन् ।
एकेडेमी अफ क्युलिनरी आर्टस् एण्ड हस्पिटालिटी म्यानेजमेन्टमा आयोजित पत्रकार सम्मेलनमा उक्त जानकारी दिइएको हो । सम्मेलनमा बोल्दै सो संस्थाका अध्यक्ष अशेष महर्जनले युवा सफल भएमात्र रास्ट्र सफल हुने हुँदा पर्यटन होटल संचालनमा अब्बल जन सक्ती उत्पादन गर्ने उद्देश्यले सो प्रतिस्पर्धामा भाग लिन लागेको जानकारी गराउनु भयो । सो कार्यक्रममा मेन्टर सेफ शुर्य महत तथा प्रतिस्पर्धी विद्यार्थी सुज्ञान थापाले देशको नाम उज्ज्वल बनाउन हौसला प्राप्त भएको बताउनु भयो । सो कार्यक्रममा बरिष्ठ सेफहरु सन्तोश शाह, गोबिन्द नरसिंह केसी, रत्न बहादुर थापा, लक्ष्मण भण्डारी, बिक्रम थापा तथा भावी खनालले पनि आफ्नो धारणा राख्नु भएको थियो। कार्यक्रममा ’टिमुर’ नामक पुस्तकका लेखक प्रशान्त खनालले पनि आफ्नो मन्तब्य राख्नु भएको थियो ।
एकेडेमी अफ क्युलिनरी आर्टस् एण्ड हस्पिटालिटी म्यानेजमेन्ट सन् २०१० मा डिप्लोमा इन क्युलिनरी आर्टस् नामक कोर्सका साथ सञ्चालनमा आएको हो। उक्त कोर्सबाट अहिलेसम्म १००० भन्दा बढी नेपाली युवालाई रोजगारको बाटो देखाउन र करियर अगाडि बढाउन सहयोग पुग्दै आएको छ । उक्त कलेजले डिप्लोमा इन कलिनरि आर्ट्स (१ वर्ष), बिएचएम् (४ वर्ष), बिबिए (४ वर्ष), र एम बि ए (२वर्ष) का कार्यक्रम मार्फत नेतृत्व र उद्यमशीलता केन्द्रीत पठन–पठन गराउंदै आएको छ ।
नवौं संस्करणको उक्त प्रतिस्पर्धा बाट विश्व सामु खानाको माध्यमबाट नेपाललाई चिनाउन एकेडेमी अफ क्युलिनरी आर्टस् एण्ड हस्पिटालिटी म्यानेजमेन्ट तथा सेन्टर फर लिडरसीप एण्ड इन्टरप्रेनरसिप’ कलेजले यसलाई अवसरको रुपमा लिएको छ ।
