काठमाण्डौँ, ४ पुस । प्रमुख निर्वाचन आयुक्त अयोधीप्रसाद यादवले हालै सम्पन्न भएको प्रतिनिधि र प्रदेश सभा निर्वाचन विश्व नै चकित हुने गरि शान्तिपूर्ण रुपमा सम्पन्न भएको दाबी गरेका छन् ।
मंगलबार ओखलढुंगाको सदरमुकाममा चुनावमा खटिएका कर्मचारीलाई धन्यवाद दिँदै प्रमुख आयुक्त यादवले राजनीतिक दलहरुलाई संवैधानिक र राजनीतिक असहमतिहरु तत्काल मिलाएर निकास खोज्न समेत आग्रह गरे।
देशमा ठूल-ठूला समस्या सहमतिबाटै हल भएको कारण अहिलेको समस्याको पनि सहमतिबाटै निकास खोज्न राजनीतिक दलहरुलाई अग्रसरता लिन उनले आग्रह गरे ।
केही कानुनी समस्या समाधान भइनसकेकोले आयोगले अन्तिम मतपरिणाम नेपाल सरकार र प्रदेश प्रमुखलाई हस्तान्तरण गर्न नसकेको समेत उनले बताए ।
