काठमाडौं । सिरियाली ससरकारले प्राचीन पल्माइरा शहर फेरी नियन्त्रणमा लिने प्रयास थालेको छ ।
सरकारी सेनाले आईएस कब्जामा रहेको शहर मुक्त गराउन प्रयास थालेको हो । सिरियाली सेना शहरमा प्रवेश गरिसकेको सञ्चारमाध्यमहरुले जनाएका छन् ।
शहरको पश्चिमी क्षेत्रबाट प्रवेश गर्ने प्रयास सेनाले थालेको छ । आईएस लडाकाहरुले यूनेस्कोमा सूचीकृत यस पुरातात्विक शहरमा गत डिसेम्बरबाट कब्जामा लिएका थिए ।
उनीहरुले केही भाग नष्टसमेत गरेका छन् । रुसी वायुसेनाको मद्दतमा सरकारी सुरक्षाबलले एक वर्ष पहिले त्यहाँबाट आईएसलाई लखेटे पनि उनीहरुले फेरि कब्जा जमाएका थिए ।
