एजेन्सी, ११ मंसिर । बेलायती राजकुमार ह्यारीले आफ्नी अमेरिकी प्रेमिका नायिका मेघान मार्कलेसँग बिहे गर्ने पक्का भएको छ ।
राजकुमार ह्यारी र मेघान सन् २०१६ देखि प्रेम सम्बन्धमा रहेका छन् । उनीहरुले एक महिनाअघि मात्रै इन्गेजमेन्ट गरेका हुन् । राजकुमार ह्यारीको इन्गेजमेन्टबारे बेलायती महारानी र नजिकका केही मान्छेलाई मात्र थाहा थियो ।
विवाहका अन्य तालिकाबारे पछि जानकारी गराइने केन्सिङ्टन दरबारले जनाएको छ । ह्यारीका दाजुभाउजू राजकुमार विलियम र क्याथरिनले पनि राजकुमार ह्यारी र मेघानको विवाहको खबर सार्वजनिक गर्न पाउँदा निकै खुसी लागेको बताएका छन् ।
३३ वर्षीय राजकुमार ह्यारी र ३६ वर्षीया नायिका मेघानले केही समय अघि मात्र आफूहरु प्रेम सम्बन्धमा रहको खुलासा गरेका थिए ।
