सुमित श्रेष्ठ
११ माघ, रामेछाप
वर्षौदेखि खानेपानीको समस्या भोग्दै आएका रामेछाप जिल्लाको रामपुरबासीले खानेपानीको सुविधा पाउँने भएपछि हर्षित भएका छन् । नेपाल रेडक्रस सोसाइटी जिल्ला शाखा रामेछापले पुनः निर्माणको काम अन्तर्गत रामपुरमा आइतबारे खानेपानी योजना लागू गरेपछि त्यहाँका स्थानीय हर्षित भएका हुन् । रामपुर–५ का १ सय ६० घर परिवारलाई पानीको सुविधा पु¥याउने उद्देश्यले नेपाल रेडक्रस सोसाइटीले १ करोड २७ लाख ४१ हजार २ सय ३९ रुपैयाँ लगानी गरेको छ भने २६ लाख ५७ हजार रुपैयाँ बराबर उपभोक्ताले श्रमदान गर्नुपर्ने छ । यस वर्ष सम्पन्न गर्ने गरि काम सुरु गरिएको सो खानेपानी योजना पाइप लाइनको खाल्टो खन्ने र ट्याङकी तथा धारा निर्माण गर्ने काम भइरहेको छ ।
४ सय ५० मिटर भर्टिकल हाइट र १ हजार मिटर उकोलो दुरीमा लिफ्ट प्रविधिबाट पानी तारेर गाउँमा वितरण गर्ने योजना अन्तर्गत अहिले मुख्य ट्याङकी निर्माणको काम भइरहेको छ । ट्याङकी निर्माणको लागि समेत पानीको आभव भएपछि श्रमदानमा खटिरहेका उपभोक्ताहरु प्रतिघर २० लिटरका दरले पानी लिएर आउँने गरेका छन् । ट्याङकी निर्माणको लागि आफ्नो भागमा परेको पानी ल्याउँन ३ घण्टा लाग्ने उपभोक्ताको भनाई छ । सधैका लागि खानेपानीको सुविधा हुने खुसीमा घरको लागि र ट्याङकी निर्माणको लागि रातभरी पानी ओसार्ने गरेको उपभोक्ताको भनाई छ ।
रामपुर गाविसमा ओखरबोटे खोला भन्दा अन्त कतै पाइन नै पाइँदैन । वर्षौदेखि रामपुरबासी त्यही खोलाबाट पानी बोकेर प्राण धन्दै आएका छन् । एक गाग्रो पानी भर्नको लागि तीन घण्टादेखि ६ घण्टासम्म लाइनमा बस्नुपर्ने उनीहरुको गुनासो छ । बिहान पानी भर्ने पालो आउँनको लागि राति १२ बजेदेखिनै खोलामा जानुपर्ने उपभोक्ताको दुःखेसो छ । बुद्ध उमेरका र हिड्न नसक्नेहरु त बिहानको पानीको पालो कुर्नलाई बेलुकै खोलामा गएर बास बस्ने गरेको स्थानीयको भनाई छ ।
खोलामा पनि पानी पर्याप्त नभएकाले उपभोक्ताले आफ्नो पालोअनुसार पानी थाप्नुपर्ने नियम बनाएका छन् । राति गएर रातिनै पानी लिएर आउँछु भन्दा पाउँदैन त्यहाँ स्थानीयले । खानेपानीको लागि नै दिन विताउनु पर्ने बाध्यता रहेको स्थानीयको गुनासो छ । अहिले नेपाल रेडक्रस सोसाइटीले खानेपानीको योजना ल्याएपछि खानेपानीको सुविधा पाउँने हर्षमा उपभोक्ता उत्साहित भएर निर्माण कार्यमा लगेका छन् । सधैको लागि खानेपानीको सुविधान पान्छ भन्ने आसामा आपूmहरुले रातदिनै काम गरिरहेको स्थानीयको भनाई छ ।
