चितवन, १९ कार्तिक। माओवादी केन्द्रका अध्यक्ष प्रचण्डले नेपाली कांग्रेसका नेताहरुलाई आपसमा समझदारी कायम गरी वीपी कोइरालाको आदर्श पहिलाउन सुझाव दिएका छन्। उनले वाम गठवन्धनबाट आतंकित नहुन समेत आग्रह गरेका छन् ।
चितवनमा आयोजित एक कार्यक्रममा अध्यक्ष प्रचण्डले कांग्रेस नेतृत्वको कारणले पार्टी कमजोर हुँदै गएको बताउँदै विपी कोइरालाका आदर्श तर्फ फर्किए काँग्रेस र देश दुबैको हित हुने बताएका हुन्।
चितवन क्षेत्र नं. ३ का उम्मेदवार समेत रहेका प्रचण्डले चितवनबाट जितेर राष्ट्रलाई समृद्धितर्फ लैजाने प्रतिबद्धता व्यक्त गरेका छन्। स्थीर सरकारले मात्र दीगो विकास र समृद्धि हासिल गर्न सकिने भन्दै उनले त्यसैका लागि वाम गठवन्धन आवश्यक परेको प्रष्ट्याए ।
सरकारको स्थिरता कायम राख्न र देशमा विकास ल्याउन कै लागि भएपनि माओवादी केन्द्रलाई जिताउनुपर्ने धारणा उनले व्यक्त गरेका छन् ।