काठमाडौं । राजधानी न्युज पब्लिकेशनका अध्यक्ष तथा मिडिया एलाइन्सका उपाध्यक्ष महेन्द्र शेरचनको निधन भएको छ ।
कोरोना संक्रमणका कारण नेपाल एपिएफ अस्पतालमा उपचाररत शेरचनको ६७ वर्षको उमेरमा बुधबार साँझ निधन भएको हो ।
राजधानी न्युज पब्लिकेशनका संस्थापक अध्यक्ष शेरचन नेपाली मिडिया सञ्चालकको छाता संगठन मिडिया सोसाइटीका पूर्व अध्यक्ष तथा मिडिया सञ्चालककै संस्था मिडिया एलाइन्सको वर्तमान उपाध्यक्ष थिए ।
साथै उनी संविधानसभा सदस्य समेत बनेका थिए । उनको श्रीमती, तीन छोरा र एक छोरी रहेका छन् ।