नवलपरासी । पश्चिम नवलपरासीको इलाका प्रहरी कार्यालय बर्दघाटमा कार्यरत प्रहरी निरीक्षक कपिल वाग्लेको मृत्यु भएको छ ।
सोमबार राति मोटरसाईकलको ठक्करबाट घाइते भएका ४३ वर्षीय वाग्लेको भैरहवा मेडिकल कलेजमा उपचारका क्रममा मृत्यु भएको जिल्ला प्रहरी कार्यालय नवलपरासीले जनाएको छ ।
सामेबार राति कार्यालय अगाडी बाटोमा हिँडिरहेका वाग्लेलाई लु १४ प ८७५८ नम्बरको मोटरसाइकलले पछाडीबाट ठक्कर दिएको दिएर घाइते बनाएको थियो ।
ठक्कर दिने मोटरसाइकल चालक सुनवल नगरपालिका–१ प्रगति टोलका दिपेन्द्र पुनलाई प्रहरीले पक्राउ गरिसकेको छ ।
तनहुँको म्याग्दे गाउँपालिका–४ घर भएका वाग्ले गत पुसदेखि बर्दघाटमा कार्यरत थिए ।
