काठमाडाैं । नेपाली सुटिङ खेलाडी कल्पना परियारले टोकियो ओलम्पिकमा राष्ट्रिय कीर्तिमानमा सुधार गरेकी छन् ।
शनिबार भएको महिला १० मिटर एअर राइफल इभेन्टको छनोट चरणमा उनले ६१६ दशमलव.८ स्कोर गर्दै राष्ट्रिय कीर्तिमान बनाएकी हुन् । तर कुल ५० खेलाडी मध्ये ४६औं स्थानमा रहेकी उनी पहिलो चरणबाटै बाहिरिइन् ।
कल्पनाले यसअघि १३औं दक्षिण एसियाली खेलकुद सागमा ६१४ दशमलव ५ स्कोर गर्दै कीर्तिमान बनाएकी थिइन् शनिबार बिहान आसाका सुटिङ रेन्जमा कल्पनाले ६१६.८ स्कोर गर्दै कीर्तिमान सुधारिन् तर अघिल्लो चरण पुग्न सकिनन् ।
छनोटबाट शीर्ष ८ स्थानमा रहने खेलाडी मात्र फाइनलमा प्रवेश गरेका छन् ।
