काठमाडौं । नेपालमा पछिल्लो २४ घण्टामा १ हजार ५ सय ३३ ले कोरोना भाइरसलाई जित्न सफल भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा हुने १ हजार ५ सय ३३ संक्रमणमुक्त भएका हुन् ।
त्यसैगरी पछिल्लो २४ घण्टामा १ हजार ४८ सय ३१ मा संक्रमण पुष्टि भएको छ । मन्त्रालयका अनुसार पछिल्लो २४ घण्टामा गरिएका ५ हजार ५ सय ३५ पीसीआर परीक्षणमध्ये एक हजार २ सय ३७ संक्रमित र ३ हजार ६ सय ८३ एन्टिजेन परीक्षणबाट ५ सय ९४ संक्रमित गरी जम्मा १ हजार ८ सय ३१ मा संक्रमण पुष्टि भएको हो ।
संक्रमितमध्ये काठमाडौंका २ सय ६३, ललितपुरका ९७ र भक्तपुरका ३१ गरी काठमाडौं उपत्यकामा ३ सय ९१ संक्रमित थपिएका छन् । योसँगै नेपालमा कोरोना संक्रमित हुनेको कुल संख्या ६ लाख ९९ हजार ८८ पुगेको छ ।
हाल नेपालमा २६हजार १ सय ७३ सक्रिय संक्रमित रहेका छन् ।
मन्त्रालयका अनुसार पछिल्लो २४ घण्टमा २० संक्रमितले ज्यान गुमाएका छन् । हालसम्म नेपालमा ९ हजार ३ सय ८२ ले संक्रमणका कारण ज्यान गुमाईसकेका छन् ।
