काठमाडौं । नेपाली कांग्रेसको आज बस्ने भनिएको पदाधिकारी बैठक स्थगित भएको छ ।
क्रियाशील सदस्यता वितरणको मापदण्डलगायतका विषयमा छलफल गर्न आज २ बजेका लागि बोलाइएको बैठक स्थगित भएको हो। तयारी नपुगेकाले बैठक भोलि बस्ने गरी स्थगित गरिएको कांग्रेसले जनाएको छ ।
पार्टीको १४ औं महाधिवेशन नजिकिँदै गर्दा कांग्रेसमा क्रियाशील सदस्यताको विवाद झनै चर्किएको छ ।कांग्रेसको महाधिवेशनका लागि भदौ १६देखि १९ गतेसम्मको मिति तोकिएको छ भने वडा अधिवेशन भने साउन १२ गतेदेखि हुँदैछ । उक्त अधिवेशन अगावै क्रियाशील सदस्यताको विवाद समाधान गर्न सभापति देउवालाई दवाव बढेको छ ।
