काठमाडाैं । नेकपा एमालेको दशौं महाधिवेशन आयोजक कमिटीको बैठक सुरु भएको छ ।
पार्टी संरचना २०७५ जेठ २ कै अवस्थामा फर्काउने निर्णय गरेको नेकपा एमालेले आज बालुवाटारमा दशौं महाधिवेशन आयोजक कमिटीको बैठक सुरु भएको हो ।
साथै मंगलबार बसेको स्थायी कमिटी बैठकले एमालेले असार १८ गते केन्द्रीय कमिटी बैठक बोलाउने पनि बताएको छ ।
पुरानै संरचना अनुसार पार्टी सञ्चालनको निर्णय गरेको एमालेले पूर्वनिर्धारित महाधिवेशन आयोजक कमिटी बैठकलाई भने निरन्तरता दिएको छ ।
एमालेका वरिष्ठ नेता झलनाथ खनाल र माधव नेपाल पक्षले नवौं महाधिवशेनको संगठनात्मक ढाँचामा पार्टीलाई फर्काउनुपर्ने माग राखेका थिए ।
बैठकमा झलनाथ खनाल–माधवकुमार नेपालपक्ष भने सहभागी भएका छैनन् ।