काठमाडौँ। त्रिभुवन विश्वविद्यालयको स्नातक तहको परीक्षा साउन ५ गतेदेखि हुने भएको छ । कोरोना महामारीका कारण स्थगित स्नातक परीक्षा हाल तोकिएको मितिबाट सञ्चालन गरिने त्रिवि परीक्षा नियन्त्रण कार्यालयले जनाएको हो । त्रिविले साउन ५ गतेदेखि हुने परीक्षा तालिका समेत सार्वजनिक गरेको छ ।
गत वैशाख ५ गतेदेखि सुरु भएको परीक्षा कोरोनाका कारण स्थगित भएको थियो ।वार्षिक परीक्षा प्रणालीअन्तर्गत गत चारवर्षे र तीनवर्षे स्नातक तह द्वितीय वर्षको मानविकी, शिक्षाशास्त्र र व्यवस्थापन संकाय एवं विज्ञान तथा प्रविधि अध्ययन संस्थानका नियमित, आंशिक, मौका एवम् प्राइभेट (आंशिक) परीक्षा वैशाख १३ गतेपछि स्थगित गरिएको थियो ।त्रि. वि परीक्षा नियन्त्रण कार्यलयले परीक्षार्थीहरुलाई आफूले परीक्षा दिनुपर्ने विषय र कोड यकिन गरेर मात्र परीक्षा आग्रह गरेको हो ।
