काठमाडौं । जनता समाजवादी पार्टी नेपाल जसपाका अध्यक्ष महन्थ ठाकुरले २० कार्यकारिणी सदस्यको नाम थपेर नामावली निर्वाचन आयोगमा बुझाएका छन् ।
यसअघि निर्वाचन आयोगमा आफ्ना पक्षमा बहुमत रहेको देखाउन नसकेका अध्यक्ष ठाकुरले २० कार्यकारिणी समिति सदस्य थपेर नामावली निर्वाचन आयोगमा बुझाएका हुन् ।
जसपाका अर्का अध्यक्ष उपेन्द्र यादवले भने आफू पक्षीय कार्यकारिणी समितिको बैठक बस्दै छ ।
गएको जेठ ३० गते ठाकुरले आफूपक्षीय बैठक राखेर २० सदस्यको नाम थपेका हुन् ।
फुटको संघारमा रहेको जसपालाई निर्वाचन आयोगको निर्णयले अप्ठेरोमा पारेको छ । गएको जेठ ३० गते आयोगले पार्टीका कुनै एक मात्र अध्यक्षले कसैलाई हटाउन वा कसैलाई राख्न नमिल्ने निर्णय गरेको थियो । ठाकुरले कार्यकारिणी सदस्य संख्या अध्यावधिकका लागि निर्वाचन आयोगमा पठाएको भने पनि आयोगले भने सो बारे कुनै निर्णय गरेको छैन ।
