काठमाडौं । अर्थमन्त्री विष्णुप्रसाद पौडेलले पूँजी बजारमा लगानी बढ्नुलाई सरकारप्रति लगानीकर्ताको आकर्षण भएको बताएका छन् ।
मंगलबार नेपाल धितोपत्र बोर्डको २९औं वार्षिकोत्सव कार्यक्रमलाई सम्बोधन गर्दे अर्थमन्त्री पौडेलले पूँजी बजारमा लगानी बढ्नुलाई सरकारप्रतिको विश्वास र आकर्षण भएको उल्लेख गरे ।
मन्त्री पौडेलले लगानीकर्ताको लगानी सुरक्षित हुनेगरी पूँजी बजारको विस्तार हुने वातावरण थप तयार पार्न बोर्डलाई निर्देशन समेत दिए । उनले बजेटमा उल्लेख गरिएको वस्तु विनिमय बजार सुरु गर्न तथा बोर्डमा देखिएका कमजोर पक्षलाई हटाउन पनि बार्डलाई निर्देशन दिए
