काठमाडौँ। नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले सरकार कुुुुर्सी बचाउने खेलमा उदत्त रहेको आरोप लगाएका छन् । पूर्व प्रधानमन्त्री समेत रहेका अध्यक्ष ‘प्रचण्ड’ले सरकारले बजेटमार्फत केही ‘राष्ट्र र जनविरोधी’ योजनाहरु ल्याएर कुर्ची बचाउने खेलमा लागेको आरोप लगाएका हुन् ।
सरकारले ‘नेपालको ढुंगा, गिट्टी, बालुवा निकासी गरेर ब्यापार घाटा कम गर्ने’ नाममा तराइलाई मरुभुमीकरण नगर्न आग्रह गर्दे अध्यक्ष प्रचण्डले उक्त निर्णय तत्काल खारेज गर्नुपर्नेमा जोड दिएका छन् ।
अध्यक्ष प्रचण्डको भनाइ उद्धृत गर्दै छोरी गंगा दाहालले सामाजिक सञ्जालमा लेखेकी छिन्, ‘असंवैधानिक सरकारले बजेटमार्फत ‘नेपालको ढुंगा, गिट्टी, बालुवा निकासी गरेर ब्यापार घाटा कम गर्ने’ नाममा कुर्सी बचाउने र तराइलाई मरुभुमीकरण गर्ने राष्ट्र र जन विरोधी निर्णय तुरुन्त खारेज गरियोस्।’
