एजेन्सी । अष्ट्रेलियाको सिड्नीस्थित राज्यसभाकी सांसदले कोभिड–१९ महामारीविरुद्ध नेपाललाई सहयोग गर्न अष्ट्रेलियन सरकारसमक्ष जोडदार माग गरकी छिन् ।
सांसद मिचेल रोल्यान्डले बुधबार राज्य सभाको फेडरेसन चेम्बरलाई पत्र लेख्दै तत्काल स्वास्थ्य सहायताका लागि सहयोग गर्न आफ्नो सरकारलाई आग्रह पत्र लेखेकी हुन् ।
पश्चिम सिड्नीको ग्रीनवे राज्यकी सांसद तथा छाँया संचारमन्त्री समेत रहेकी रोल्यान्डले स्वास्थ्य सामग्री आपूर्तिका लागि सरकारले अष्ट्रेलियास्थित नेपाली दूतावाससँग मिलेर काम गर्नुपर्नेमा पनि सुझाएकी छिन् ।
सांसद रोल्यान्डले नेपालमा कोरोनाभाइरस महामारीको पछिल्लो अवस्थाप्रति पत्रमार्फत जानकारी समेत गराएकी छिन् ।
