काठमाडौं । विघटित प्रतिनिधिसभाका सभामुख अग्निप्रसाद सापकोटाले आज संविधानविद, कानून एवम् न्याय क्षेत्रका विशेषज्ञसँग परामर्श गर्ने भएका छन् । दिउँसो १ बजे संसद भवनको ल्होत्से हलमा सभामुख सापकोटाले प्रतिनिधिसभा विघटनबारे विज्ञसँग परामर्श गर्न लागेका हुन् ।
प्रधानमन्त्रीको सिफारिसमा राष्ट्रपति विद्यादेवी भण्डारीले जेठ ८ गते बिहानै संसद भंग गरि मध्यावधि चुनावको घोषणा गरेसँगै सभामुख सापकोटाले छलफल र परामर्शलाई तीब्रता दिएका छन् । विघटनको विपक्षमा रहेका सभामुख सापकोटाले बिहीबार गर्न लागेको परामर्शलाई महत्वका साथ हेरिएको छ ।
सभामुख सापकोटाले गत मंगलबार पूर्वसभामुखहरुसँग समेत छलफल गरेका थिए ।
यता विघटनविरुद्ध विपक्षी दलको गठबन्धनले दायर गरेका रिटमाथि सर्वोच्च अदालतमा आजदेखि सुनुवाई सुरु हुँदैछ ।
