काठमाडौं । चीन सरकारले नेपाललाई १० लाख डोज कोरोना भाइरसविरुद्धको खोप अनुदान दिने भएको छ । बुधबार नेपाल र चीनका राष्ट्रपतिबीच भएको टेलिफोन संवादमा चिनियाँ राष्ट्रपति सी जिनपिङले १० लाख डोज खोप दिने घोषणा गरेका हुन् ।
चिनियाँ राष्ट्रपति सीसँग बुधबार दिउँसो भएको टेलिफोन संवादमा राष्ट्रपति भण्डारीले खोप खरिदका लागि सहयोग गर्न आग्रह गरेलगतै चिन सरकारले नेपाललाई उक्त अनुदानको खाप उपलब्ध गराउने भएको हो ।
नेपाल चिनबीचको संवादको क्रममा चिनियाँ राष्ट्रपति सीले नेपाल परापूर्वकालदेखि मित्र देश भएकाले महत्वका साथ सधै सहयोग गर्न तत्पर रहेको समत जानकारी गराएका थिए ।
