काठमाडौं। नेकपा एमालेका नेता गोकुल बास्कोटाले जनताले चुनेको सरकारलाई पटक–पटक अप्राकृतिक समीकरणदेखि समीकरणसम्मको गोलचक्करमा रिङगाउने षड्यन्त्र समाप्त भएको बताएका छन् ।
पूर्वमन्त्री बास्कोटाले सामाजिक सञ्जालमार्फत जननिर्वाचित सरकारलाई अप्राकृतिक समीकरणबाट गोलचक्करमा रिङगाउने षड्यन्त्र समाप्त भएको बताएका हुन् । उनले लेखेका छन् –‘जनताले चुनेको सरकारलाई पटक–पटक अप्राकृतिक समीकरणदेखि समीकरणसम्मको गोलचक्करमा रिङगाउने षड्यन्त्र समाप्त। ’
राष्ट्रपति विद्यादेवी भण्डारीले प्रतिनिधि सभा विघटन गर्दै मध्यावधि चुनावको घोषणा गरेको सन्दर्भमा बास्कोटाले यस्तो प्रतिक्रिया दिएका हुन् ।
उनले एमालेका नेता माधव कुमार नेपाल र माओवादी केन्द्रका अध्यक्ष पुष्पकमल दाहाललाई आफ्नो ईच्छा अनुरुपको समीकरण बनाई चुनावमा जान सुझाएका छन् । नेता गौतमले नेपाल र दाहाललाई इच्छा अनुसारको समीकरण बनाई चुनावमा ‘जनताले कोल्याप्स हान्दिए’ भने सकिने भन्दै खिस्सी समेत गरेका छन् ।
उनले ट्वीट गरेका छन् –‘अव माधव–प्रचण्डले कुण्ठित ईच्छा अनुरुपको समीकरण बताउनु र जनताले साथ दिएमा चौकादाउ हान्नु,जनताले कोल्याप्स हान्दिए भने सक्यो ।
नेता बास्कोटाले अहिले आएर गुनासोको काम नभएको भन्दै विधी पद्धतीलाई कर्णालीमा लगेर सेलाउन समेत सुझाएका छन् । ‘गुनासोको काम छैन । विधी पद्धती लगेर कर्णालीमा सेलाउनु ।’