एजेन्सी । पछिल्लो २४ घण्टामा संक्रमणमुक्त भएका ३ लाख ८९ हजार ५ सय ६६ जनाले कोरोना जित्न सफल भएका छन् ।
त्यसैगरि भारतमा पछिल्लो २४ घण्टामा २ लाख ६७ हजार ३ सय ३४ जना नयाँ संक्रमित थपिएका छन्। ।
यता दैनिक कोरोना संक्रमित हुनेको संख्या घटेको भएपनि संक्रमणका कारण मृत्यु हुनेको संख्यामा कमी आएको छैन ।
पछिल्लो २४ घण्टामा भारतमा चार हजार ५ सय २९ को कोरोना संक्रमणका कारण मृत्यु भएको छ । भारतमा पहिलोपटक एकै दिन यति धेरैको मृत्यु हुनेको यो संख्या हालसम्म कै उच्च हो ।
भारतमा कोरोना संक्रमित हुनेको कुल संख्या २ करोड ५४ लाख ९६ हजार ५ सय भन्दा बढि पुगेको छ ।
भारतमा हाल ३२ लाख २६ हजार ७ सय भन्दा बढि सक्रिय संक्रमित रहेका छन् भने हालसम्म १८ करोड ५८ लाख ९ हजारभन्दा बढीले कोरोनाविरुद्धको खोप लगाईसकेका छन् ।
