काठमाडौँ, ३० असोज । राजधानीमा पक्राउ परेको ८८ केजी अवैध सुन तस्करीमा संलग्न मानिएका रसुवाका मानबहादुर तामाङलाई प्रहरीले पक्राउ गरेको छ ।
तामाङ आगामी निर्वाचनका लागि कांग्रेसतर्फको समानुपातिक सूचीमा समेत परेका छन् ।
नेपाल केरुङ व्यापार संघका अध्यक्ष समेत रहेका तामाङलाई स्वयम्भु क्षेत्रबाट पक्राउ गरिएको महानगरीय अपराध महाशाखाले जानकारी दिएको छ ।
उनीमार्फत नै अवैध सुन चिनिँया नागरिकले नेपालमा भित्र्याउने गरेको प्रहरीको अनुमान रहेको छ ।
