नयाँ दिल्ली, असोज २९ । दिल्लीको महरौली इलाकामा एक व्यक्तिको शव टुक्रा पारिएको अवस्थामा फ्रिज भित्र फेला परेको छ ।
पछिल्लो केही दिन देखि बेपत्ता रहेका विपिन जोशीको शव फ्रिज भित्र भेटिएको हो । १० अक्टुबर देखि विपिन बेपत्ता भएका थिए । उनको शव उनकै सहयोगी बादल मंडलको घरबाट बरामद भएको हो ।
विपिन र बादल दक्षिणी दिल्लीको एक रेष्टुरेन्टमा बार टेन्डरको रुपमा काम गर्थे । घटना पछि बादल भने फरार रहेका छन् । विपिनको हत्या दोस्तीकै कारण भएको उनको आफन्तले आरोप लगाएका छन् ।
फरार रहेका बादलको खोजी कार्य भईरहेको प्रहरीलाई उद्धृत गर्दै जीन्युजले जनाएको छ ।
