बाँके । बाँकेको कोहलपुर नगरपालिका–१३ स्थित बाँके राष्ट्रिय निकुञ्जमा बस र टिप्पर दुर्घटना हुँदा ज्यान गुमाएका ५ मध्ये ४ जनाको पहिचान खुलेको छ ।
शुक्रबार साझ बस र टिप्पर ठोक्किएर भएको दुर्घटना मृत्यु भएका चारजनाको सनाखत भएको ईलाका प्रहरी कार्यालय कोहलपुरले जनाएको छ ।
मृत्यु हुनेमा कोहलपुर–१२ बस्ने टिप्परका चालक खगेन्द्र बहादुर सुनार र सह–चालक उदय बाँठा , सुर्खेत घर भएका ४१ वर्षीय जीवन कुमार बिक र झापाको मेची नगपारपालिका– १० घर भएका छत्रबहादुर कटुवाल रहेको प्रहरीले जनाएको छ ।दुर्घटना ज्यान गुमाएकी करिब ३५ वर्षीया महिलाको पहिचान खुल्न बाँकी छ ।
सुर्खेतबाट धरान जाँदै गरेको मकालु यातायातको से १ ख ३३४८ नम्बरको बस र ना अ क–४१ नम्बरको टिपर ठोक्किएर दुर्घटना भएको हो । दुर्घटनामा गम्भीर घाइते भएका ७ जनाकोे कोहलपुर मेडिकल कलेजमा उपचार भइरहेको छ ।
