काठमाडौं, २४ चैत । नेपाली अनलाइन बजार दराजले यही चैत २९ देखि नववर्षको भव्य सेल दराज नववर्ष २०७८ सुरु हुने घोषणा गरेको छ ।
नयाँ वर्षको अवसरमा दराजले आफ्ना ग्राहकहरुलाई आश्चर्यजनक डिलहरु, रमाइलो अफरहरु, अनलाइन भुक्तानीमा विशेष साझेदार छुट, उत्कृष्ट पुरस्कारका साथै बम्पर उपहारमा नयाँ ड्याट सनरेडिगो जित्ने अवसर ल्याएको छ । दराजले यो अफर चैत २९ देखि सुरु हुने जनाएको छ ।
‘पेमेन्ट पार्टनर छुट’ दराज नववर्ष २०७८ अफरको प्रमुख आकर्षण रहेको छ जसमा ग्राहकले सीमित डेविट र क्रेडिट कार्डबाट प्री–पेमेन्ट गर्दा एक हजार रुपैँयादेखि एक हजार ५ सय सम्मको छुट पाउन सक्ने छ ।
पेमेन्ट पार्टनरहरुमा नबिल बैंक, सानिमा बैंक, एनएमबी बैंक, मेगा बैंक, कुमारी बैंक, माछापुच्छ्रे बैंक, सनराइज बैंक, स्ट्यान्डर्ड चार्टड बैंक र हिमालय बैंक रहेका छन् । यसका साथै ग्राहकले आफ्नो ई–सेवा वालेटको माध्यमबाट भुक्तानी गरे सीमित घण्टाको लागि पाँच सय रुपैँयासम्मको विशेष छुट पाउन सक्ने दराजले जनाएको छ ।
