सुवास आचार्य
बाग्लुङ, १६ चैत । बाग्लुङ, प्युठान र गुल्मीको सिमानामा पर्ने बडिगाड गाउँपालिका वडा नम्बर–१० बल्देधुरीमा होली खेल्ने क्रममा झडप हुँदा दुई जनाको मृत्यु भएको छ ।
आइतबार दिउँसो भएको झडपमा निसीखोला गाउँपालिका– ७ राजकुतका प्रकाश कुँवर र दिपक दमाईको मृत्यु भएको बडिगाड गाउँपालिका वडा नम्बर १० का अध्यक्ष बिरेन्द्र वुढाले जानकारी दिए ।
दुई जनाको शव घटनास्थल नजिकै भिरमा भेटिएको र घटनास्थलतर्फ प्रहरीको टोली जादै गरेको समेत उनले इ–माउण्टेन टेलिभिजनलाई बताए ।
बडिगाड गाउँपालिका वडा नम्बर १० दर्लिङ र निसिखोला गाउँपालिका वडा नम्बर–७ राजकुतका सयौँ युवाहरु भेला भएर होली खल्ने क्रममा उक्त झडप भएको हो ।
घटनामा केहि बेपत्ता भएको बताइएपनि पुष्टि भने हुन नसकेको प्रहरीको भनाई छ ।
