काठमाडौं, ६ चैत। काठमाडौंको गोकर्णेश्वर नगरपालिका–५ जम्बुडाँडास्थित धागो रंगाउने कारखानामा आगलागी हुँदा ६ लाख रुपैँया बराबरको धनमाल जलेर नष्ट भएको छ ।
गोकर्णेश्वर नगरपालिका–५ जम्बुडाँडास्थित बहादुर लामाको धागो रंगाउने कारखानामा शुक्रबार बिहान आगलागी हुँदा कम्प्युटर, भाँडावर्तन, ऊन, कच्चा पदार्थ र तयारी धागो गरेर करिब ६ लाख रुपैयाँ बराबरको क्षति भएको जिल्ला प्रहरी कार्यालय काठमाडौंले जनाएको छ ।
त्यसैगरी शुक्रबार सल्यान, कपुरकोट गाउँपालिका–२ दानबाङ बस्ने सुक बहादुर बुढाको घरमो आगलागी हुँदा नजिकैका ३ वटा घरसमेत जलेका छन् । आगलागीबाट भएको क्षतिको विवरण आउन बाँकी रहेको प्रहरीले जनाएको छ ।
दमकल र स्थानीयको सहयोगमा आगलागी नियन्त्रणमा लिनुका साथै यस सम्बन्धमा स्थानीय प्रहरीले थप अनुसन्धान गरिरहेको छ ।
