एजेन्सी, ५ फागुन । च्याम्पियन्स लिग फुटबल अन्तर्गत अन्तिम १६ को पहिलो लेगमा पेरिस सेन्ट–जर्मेन पिएसजीले सहज जित दर्ता गरेको छ ।
गएरति अवे मैदानमा भएको खेलमा पिएसजीले बार्सिलोनामाथि ४–१ गोल अन्तरले जित निकालेको हो ।
लियोनल मेस्सीसहितको बार्सिलोनालाई स्तब्ध पार्ने क्रममा पिएसजीका लागि केलियन एमबाप्पेले तीन तथा मोइज केनले एक गोल गरे ।
बार्सिलोनाका लागि मेस्सीले एक गोल गरे । २७ औँ मिनेटमा पाएको पेनाल्टीमा मेस्सीले गोल गरि घरेलु टोली बार्सिलोनालाई सुरुवाति अग्रता दिलाए । पिएसजीका एमबाप्पेले ३२, ६५ र ८५ औँ मिनेटमा गोल गरि ह्याट्रिक पूरा गरे ।
त्यस्तै केनले ७० औँ मिनेटमा पिएसजीका लागि गोल गरे । दोस्रो लेग आउँदो मार्च २० मा पेरिसमा हुनेछ ।