श्याम गुप्ता
बारा, २१ माघ । बाराको करैयामाईमा तस्कर समुहबाटै वन गस्ती माथी आक्रमण भएको छ । आक्रमणमा परि २ वन गस्ती गम्भीर घाईते भएको सामाचार प्राप्त भएको छ ।
जिल्लाको करैयामाई गाउँपालिका वडा नं ७ पिपरास्थित गाउँपालिका अध्यक्ष भुनेश्वर धामीले संचालन गरेको चिरान मिलमा वन गस्ती माथी आक्रमण भएको हो ।
मंगलबार राती मध्यरातमा काठ तस्करलाई पछ्याउँदै पुगेका वन गस्ती माथी तस्कर समुहले चिरान भित्र आक्रमण गर्दा दुई जना वन रक्षक गम्भीर घाईते भएका हुन् ।
तस्कर समुहले वन गस्तीको राईफल समेत खोसेर मरणनासन्न हुँने गरी कुटपीट गरे पछी प्रहरीको सहयोगमा उनीहरुको उद्दार गरिएको स्थानीयले बताएका छन् । गाँपालिका अध्यक्ष धामीको अगुवाईमा घटना गराईएको श्रोतले बताएको छ ।
वन गस्ती माथी आक्रमण भएको र हतियार खोसिएको खबर आए पछि प्रहरीको टोलीलाई राती नैं परिचालन गरिएको जिल्ला प्रहरी कार्यालय, कलैया बाराले जनाएको छ ।
जिल्लाका प्रहरी नायाब उपरिक्षक गौतम मिश्रका अनुसार गम्भीर घाईते वन कर्मचारीहरुको कोल्हबीमा सामान्य उपचार पछी थप उपचारका लागि बिरगंज पठाईएको छ ।
तस्करले खोसेको राईफल फालिएको अवस्थामा फेला परेको प्रहरी नायाब उपरिक्षक मिश्रले बताएका छन् ।