काठमाडौं, ३ पुष । दिक्तेल रुपाकोट मझुवागढी नगरपालिका आफ्नै नवनिर्मित प्रशासनिक भवनमा सरेको छ । जिल्ला प्रमुख व्यापारिक केन्द्र दिक्तेल बजारस्थित जिल्ला प्रशासन कार्यालय नजिकै निर्माण गरिएको सुविधा सम्पन्न प्रशासनिक भवनमा नगरपालिकाले बिहीबारदेखि दैनिक कामकाज शुरु गरेको हो ।
यसअघि नगरपालिकाले भाडाको भवनबाट आफ्नो कार्य सम्पादन गर्दै आएको थियो ।
नगरपालिकाको नयाँ भवन प्रतिनिधिसभा सदस्य विशाल भट्टराईले उद्घाटन गर्नुभएको हो । १ करोड ८८ लाख ६१ हजारको लागतमा नगरपालिकाले आफ्नो भवन निर्माण गरेको हो ।
