एजेन्सी, ३ पुष । इंग्लीस प्रिमियर लिग फुटबलमा मार्कुस रासफोर्डको दुई गोलसंगै म्यानचेष्टर युनाइटेडले महत्वपुर्ण जित हातपारेको छ । बिहीबार राती शेफिल्ड युनाइटेडलाई ३–२ गोल अन्तरले पराजित गर्दै म्यान्चेस्टर युनाइटेडले महत्वपुर्ण ३ अंक जोडेको हो ।
घरेलु मैदानमा शेफिल्डले पहिले अग्रता लिएपनि युनाइटेडले पुनरागमन गर्दै तीन गोल गरेको हो । शेफिल्डका लागि डेभिड म्याकगोल्ड्रिकले दुवै गोल गरे । युनाइटेडका लागि तेस्रो गोल एन्टोनी मार्सिएलले गरेका हुन् ।
जितपछि १२ खेलबाट २३ अंक जोड्दै युनाइटेड अंकतालिकामा छैटौं स्थानमा उक्लेको छ । शीर्ष स्थानको लिभरपुलदेखि पाँचौ स्थानको एभरटनसम्मले युनाइटेडभन्दा एक खेल बढी खेलेको छ । १३ खेलबाट २८ अंकसहित लिभरपुल शीर्ष स्थानमा छ ।
