अमेरिकाको जोर्जियामा भएको पुनः मतगणनामा बाइडेन नै विजयी

एजेन्सी,५ मंसिर। अमेरिकाको जोर्जियामा भएको पुनः मतगणनामा पनि राष्ट्रपति निर्वाचित जो बाइडेन नै विजयी हुनुभएको छ ।जोर्जिआमा बाइडेनले वर्तमान राष्ट्रपति डोनाल्ड ट्रम्पलाई १२ हजार २ सय ८४ मत अन्तरले हराउनुभएको निर्वाचन अधिकारीहरुले बताएका छन् ।

त्यसैगरी जोर्जियाका मन्त्री ब्राड राफेनस्पेर्गरले हातैले गरिएको पुनः मतगणनाले नतिजा परिवर्तन नगरेको जानकारी दिनुभएको अन्तर्राष्ट्रिय संचारमाध्यमले जनाएका छन । राष्ट्रपति ट्रम्पले जोर्जियामा व्यापक धाँधली भएको बताउँदै पुनः मतगणना गर्न माग गरेपछि झन्डै ५० लाख मत हातैले गनिएको थियो ।

वाइडेन सन् १९९२ पछि जोर्जियामा चुनाव जित्ने पहिलो डेमोक्रेटिक उम्मेदवार बन्नु भएको छ । तीन दशकलेखि रिपब्लिकन पार्टीको पकड रहँदै आएको जोर्जियामा डेमोक्रेटिक पार्टीका उम्मेदवार बाइडेनको जितलाई महत्वपूर्ण रुपमा हेरिएको छ ।

पछिल्लो पटक सन् १९९२ मा डेमोक्रेटिक पार्टीका तर्फबाट बिल क्लिन्टनले जोर्जियामा निर्वाचन जित्नु भएको थियो । अमेरिकामा नोभेम्बर ३ मा राष्ट्रपतिको निर्वाचन भएको थियो । जसमा बाइडेन बिजयी हुनुभएको छ ।

Leave a Reply