काठमाडौं, १५ असोज । बल्खु कुलेश्वरस्थित फलफूल बजार अगाडि सुकुम्बासी बस्तीमा आगलागी हुदाँ कम्तीमा ६० घर जलेर नष्ट भएका छन् ।
मानबहादुर विकको घरबाट दियो बाल्दाबाल्दै गए राति ११ बजेतिर शुरु भएको भीषण आगलागीमा करिब १५ वटा ग्यास सिलिण्डर पनि पड्केका थिए ।
आगलागीमा एक चर्च पनि परेको स्थानीयवासीले बताएका छन् । नेपाली सेनाका पाँच वटा दमकलले आगलागी नियन्त्रणमा लिएका थिए । विस्तृत विवरण बाँकी रहेको प्रहरीले जनाएको छ ।
