काठमाडौं, २९ असोज । नेपाल भ्रमणमा रहनुभएका बहराइनका सेख मोहम्मद हमाद मोहम्मद अल खलिफा सहितको टोलीले मनास्लु हिमालको सफल आरोहण गरेका छन् ।
राजकुमारसहितको टोलीले बिहीबार बिहान ६ बजेर १० मिनेटमा मनास्लु हिमाल आरोहण गरेको सेभेन समिट ट्रेक प्रालिले जनाएको छ । सेभेन समिट ट्रेक प्रालिले आरोहणको व्यवस्थापन गरेको छ ।
गत असोज १७ राजकुमारसहितको टोलीले लोबुचे हिमाल सफलतापूर्वक आरोहण गरेको थियो ।
हिमाल आरोहण गर्न भनेर बहराइनका राजकुमारसहितको टोली गत भदौ ३१ गते काठमाडौं आएको थियो । यो टोलीमा १५ जना बहराइनी र ३ जना बेलायती नागरिक छन् ।
