हलुका टिप्पणीहरुलाई प्रष्टीकरण दिएर वक्तव्य जारी गर्ने नेपाली कांग्रेसको परम्परा छैन
काठमाडौं, २५ असोज । प्रमुख प्रतिपक्षी दल नेपाली कांग्रेसले डा. बाबुराम भट्टराईको अभिव्यक्तिमाथि गम्भीर ध्यानाकर्षण भएको जनाएको छ । कांग्रेसका प्रवक्ता विश्वप्रकाश शर्माले आइतबार विज्ञप्ति जारी गर्दै प्रमाणको दाबा पुष्टि गर्न चुनौति सहित गहिरो अनुसन्धान गर्न सञ्चार माध्यम र अख्तियारलाई अपील गर्नु भएको छ ।
विज्ञप्तिमा भनिएको छ, ‘कांग्रेसले बुढिगण्डकी जलविद्युत परियोजना कमिसनका कारण अलपत्र पारिएको र त्यसमा नेपाली कांग्रेसका सभापति समेतको संलग्नता रहेकोे भनेर पूर्व प्रधानमन्त्री डा। बाबुराम भट्टराईलेको अभिव्यक्तिलाई नेपाली कांग्रेसले गम्भीरतापूर्वक लिएको छ ।
‘भट्टराई बुढीगण्डकी बारे ज्वलन्त प्रश्न सम्बन्धि तथ्यमा गहिरो अध्ययन र सार्थक पहल गर्नुभन्दा सस्तो टिप्पणीमै बौद्धिकता देखिने भ्रममा पर्नु भएको छ । हलुका टिप्पणीहरुलाई प्रष्टीकरण दिएर वक्तव्य जारी गर्ने नेपाली कांग्रेसको परम्परा छैन । तर देशको प्रधानमन्त्री जस्तो उच्च दायित्व सम्हालिसकेको नेताले ‘म संग प्रमाण छ’ भनिसकेको स्थितिमा त्यसलाई सार्वजनिक गर्न विनम्रतापूर्वक चुनौती दिनु हाम्रो कर्तव्य हुनजान्छ ।’ विज्ञप्तिमा थप भनिएको छ ।
भट्टराईले केही दिन अगाडि गृह जिल्ला गोरखा पुगेर एक कार्यक्रममा बुढिगण्डकी जलविद्युत परियोजनामा प्रधानमन्त्री केपी शर्मा ओली, पुष्पकमल दाहाल र शेरबहादुर देउवाले ९ अर्ब रुपैयाँ भष्टाचार गरेको प्रमाण आफूसँग रहेको बताएका थिए ।
यस्तो छ कांग्रेसको विज्ञप्ति
