काठमाडौं, १३ असोज । सांसदहरुले दशैं तिहार नजिकिँदै गर्दा उपभोग्य वस्तुको मुल्यबृद्धि गरेर कालोबजारी भइरहेको भन्दै नियन्त्रणका लागि प्रभावकारी अनुगमन गर्नुपर्नेमा जोड दिएका छन् ।
संसदको उद्योग, वाणिज्य र श्रम तथा उपभोक्ता हित समितिमा मंगलबार भएको छलफलमा सांसदहरुले मुल्यबृद्धि नियन्त्रणका लागि सम्बन्धित निकायलाई अनुगमन गर्न आग्रह गरेका हुन् ।
सांसदहरुले बजार मुल्यमा समानता नभएको, अस्वभाविक रुपमा मुल्य बढेकोले नियन्त्रण गर्नुपर्ने बताउनु भयो । समितिका सभापति विमल प्रसाद श्रीवास्तवले मुल्य नियन्त्रणका लागि सम्बन्धित निकायलाई अनुगमन गर्न निर्देशन दिने निर्णय भएको जानकारी दिनुभयो ।
