एजेन्सी, १३ असोज । इंग्लिस प्रिमियर लिग फुटबलमा साविक विजेता लिभरपुलले आर्सनललाई पराजित गरेको छ ।
आईतबार राति एनफिल्डमा लिभरपुलले आर्सनललाई ३–१ गोल अन्तरले पराजित गरेको हो ।
लण्डन क्लबविरुद्ध जित निकाल्दै लिभरपुलले नयाँ सिजनमा समेत शतप्रतिशत जितको नतिजालाई कायम राखेको छ । एलेक्जेन्डर लाकाजेट्टीले २५ औं मिनेटमा पाहुना आर्सनललाई खेलमा अग्रता दिलाएका थिए । त्यसको तीन मिनेटपछि आर्सनलका साडियो मानेले खेल बराबरीमा ल्याए । खेलको ३४ औं मिनेटमा रोबर्टसनले घरेलु टोलीलाई अग्रता दिलाए ।
खेल सकिन दुई मिनेट अघि यसै सिजन लिभरपुल आएका फरवार्ड डियोगो जोटाले एनफिल्ड क्लबका लागि तेस्रो गोल गरे । जितसँगै लिभरपुलले ३ खेलमा ९ अंक जोड्दै तालिकाको दोस्रो स्थानमा छ । आर्सनल ६ अंक सहित तालिकाको पाँचौ स्थानमा छ ।
