एजेन्सी,७ भदाै। चिनियाँ भिडियो एप ‘टिक टक’ले अमेरिकी राष्ट्रपति डोनाल्ड ट्रम्पको निर्णय विरुद्ध अदालतमा अपिल गरेको छ ।अमेरिकामा टिकटक प्रतिबन्ध गर्ने राष्ट्रपति ट्रम्पको कार्यकारी आदेश विरुद्ध ‘टिक टक’ले अदालतमा अपिल गरेको हो ।
कम्पनीले कानुनी उपचार खोज्दै अदालतमा अपिल गरेको बताएको छ । राष्ट्रपतिको कार्यकारी आदेश विरुद्ध यसै साता न्यायिक सुनवाई सुरु हुने बताइएको छ । अमेरिकामा सेप्टेम्बर महिनाको मध्यदेखि टिकटकको संचालक कम्पनी ‘बाईट डान्स’ सँग कुनै कारोबार नगर्न ट्रम्पले आदेश जारी गर्नुभएको थियो ।
टिकटकले अमेरिकी नागरिकको गोप्य सूचनाहरु चिनिया सरकारलाई उपलब्ध गराउन सक्ने ट्रम्पको भनाई छ । तर टिकटकले भने ट्रम्पको आरोप अस्विकार गरेको छ ।
अमेरिकामा टिकटकका ८ करोड सक्रिय प्रयोगकर्ताहरु रहेका छन् । प्रतिबन्धमा परेको अर्को चिनियाँ सामाजिक संजाल विच्याटले अमेरिकामा कानुनी उपचारको बाटो खोजे लगत्तै टिकटक पनि अदालत पुगेको हो ।
