एजेन्सी, २८ असार । इटालियन सिरी ’ए’ फुटबलमा आज नापोली र इन्टर मिलानबीच प्रतिस्पर्धा हुँदैछ । नेपाली समय अनुसार राति साढे १ बजे शुरु हुने खेलमा नापोलीले घरेलु मैदानमा मिलानको सामना गर्न लागेको हो ।
दुबै टिम शीर्ष चारको यात्रा कायमका लागि एक अर्कालाई हराएर खेल जित्ने दाउमा रहेका छन । त्यसैले दुबै टिम जित निकाल्ने लक्ष्य सहित मैदानमा उत्रने योजनामा छन ।
नापोली ५१ अंक जोडेर छैटौं स्थानमा रहेको छ भने इन्टर मिलान ४९ अंक जोडेर सातौं स्थानमा रहेको छ । यस्तै अर्को खेलमा उडिनेस र साम्पडोरियाबीच खेल हुनेछ । त्यस्तै जिओनाले एसपीएल, काग्लियारीले लेचे, फियोरेन्टिनाले भेरोना तथा बोलोग्नाले पर्मासँग खेल्नेछन ।
